لغات تاریخیه و جغرافیه

Lugat-ı Tarihiyye ve Coğrafiyye

زجاج

Züccac

زجاج — معادندن سیلسیوم دنیلان شفاف قومدن اعمال اولنور قومی بر پوته دروننده فرونه قویوب قرمزی حرارته دكین اریدكده ایچنه (پوتاس قوستیق) علاوه ایدرلر و ینه بیاض حرارته دكین قینادوب اكر معجون حالنده قالورایسه براز دها پوتاس قوستیق قویه+رق شروب حالنه كتوررلر. (سلیسیت پوتاس) ایله (سلیسیت قورشون) اتحاد ایلدكده بللور حصوله كلور. زجاج و بللوری بویامق ایچون زیرده محرر معادن استعمال اولنمقدەدر. حمض قوپالت . مائی فیروزه رنك حصوله كتورر حمض ثانی نحاس . كوك رنك حصوله كتورر حمض اول نحاس . لعل رنكی حصوله كتورر حمض قروم . زمردی یشیل رنك حصوله كتورر حمض اخیر منغانز . بنفشه رنكی حصوله كتورر قلور فضه . صاری رنك حصوله كتورر قلور ذهب . كل پنبه+سی حصوله كتورر اوران . قناریه صاریسی حصوله كتورر تركیبلرنده پوتاس و سود و حمض حدید و حمض قورشون بولنان زجاجلر سهولتله و (آلومین) و (كاس) بولنانلر فوق الغایه صعوبنله مذاب اولورلر و رطوبت آلان و بردنبره تبرید اولنان زجاجلر آتشی كوردیكی كبی منكسر اولوب عكسی حالنده حرارته زیاد+ سیله طیانورلر.