زبیر بن عوام — كبار صحابۀ كرام و عشرۀ مبشرۀ سعادت اتسامدن اولوب فی سبیل الله سل سیف ایدنلرك برنجیسیدر شویله كه بر كیجه اهل مكه نبی ذیشان قتل اولندی دیو فریاد ایتملریله حضرت زبیر كمال محبت دینیه و غیرتندن عجله ایله جامه خوابندن صچرایوب عریان و النده بر قلیج اولدیغی حالده طیشارو چیقار بو صره+ده رسول اكرم صلی الله علیه وسلم افندمزه ملاقاة ایله فخر كائنات بو نه حالدر یا زبیر بیوردقده شویله بر موحش صدا ایشتدم دیر رسول خدا نه+یی مراد ایدرك چیقدك یعنی صیحۀ كاذبۀ مذكوره بالفرض صحیح اولیدی نه یپاجقدك بیوردقلرنده زبیر یا رسول الله قادر اولدیغم مرتبه اسالۀ دم اعدا ایله اخذ انتقام ایده+جك ایدم دیدیكندن جناب رسالتمأب ازار شریفلرینی احسان بیوروب انكله تسترندن صكره لطفاً قوجاقلار و ای زبیر سن بنم حواریمسك بیوررلر )حواری. مطلقا و خاصةً ناصر انیباء معناسنه+در) روایت اولندیغی
اوزره حضرت زبیر ضریبه یعنی كسبه مأذون بیك نفر كوله+یه مالك اولوب اول وقتك اصولنجه بونلرك قزانجلرندن كندویه عائد اولان مبالغی حق یولنده تصدق ایدرلر ایدی. بركون خانه+سنی التی یوز بیك درهمه صاتوب احباسندن بعضیلری كنیه+سیله تعظیماً یا ابا عبدالله بونده الداندك خانه+نك دكری دها زیاده ایدی دیملریله زبیر الدانمدم شاهد اولیكزكه بن بو پاره+یی كاملاً جهاده صرف و صدقه ایده+جكم دیوب حقیقةً وعدینی ایفا ایلمشدر.