زایرچه — استخراج غیوب عالم ایچون مستعمل قوانین صناعیه+دن بریدر احداثی مغرب زمین اعلام متصرفه+سندن ابی العباس احمد السبتی+یه نسبت اولنوركه مومی الیه التنجی عصر هجری اواخرنده ملوك موحدیندن یعقوب بن منصور عهدنده مراكشده بولنور ایدی.
اشبو زایرچه كویا استفادۀ امور غیبیه خصوصنده خواص کثیره+یی مشتمل بر فن اولوب اهل مغرب عندنده مستعمل اولان صورتی بروجه آتیدر. شویله كه بر دائرۀ عظیمه داخلنده افلاك و عناصر و مكونات و روحانیات و سائر بو كبی اصناف كائنات و علوم ایچون برر دوأر متوازیه ترسیم و دوائر مذكوره+دن هربری منسوب اولدیغی فلكك بروج و عناصر وسائره+یه انقسامنه كوره
تقسیم اولندیغی كبی بو دائره+لردن هر بریسك مركزدن مرور ایدر برر خط مخصوصی واردركه انلر دخی (اوتار) نامیله توسیم اولنور و اشبو وترلرك هربری اوزرنده رسوم زمام و قلم غبار ایله بر طاقم حروف متتابعه موضوع و مرسوم بولنور. كذلك داخل زایرچه+ده و دوائر بیننده اسماء علوم و مواضع اكوان ترقیم و ظهور دوائره طولاً و عرضاً برچوق بیوت متقاطعه+یی شامل بر جدول تنظیم اولنوركه اشبو جدول عرضاً اللی بش و طولاً یوز اوتوز بر خانه+یی مشتمل اوله+رق بر طرفی عدد و جهت اخراسی حروف ایله مرتسم و جوانب سائرە+سی خالی عن النقوش والارقامدر اعداد مذكورە+نك اوضاعنده نسبتی معلوم اولمدیغی كبی خانه+لره صورت تقسیمی دخی معلوم دكلدر. زایرچه+نك بر طرفنده ایكی لام منصوبه رویسی اوزره بعض بیتلر بولنوركه بونلر زایرچه+دن استخراج مطلوبه+نه صورتده شروع اولنه+جغنی متضمندر لكن ابیات مذكوره لغز قبیلندن اولدیغنه بناء حل اولنه+مز (الترنم بالحار المزید. مزید هما بی الزاید هما هما) كبی. (زایرجة الخرزجی) (زایرجة الخطائیة) (زایرجة الشیبانیه) (زایرجة الهرویة) فن زایرجه+یه مخصوص آثار مقبوله+دندر. بر طاقم منجملر دخی چوجق طوغدیغی زمان او چوجغك احوال آتیه+سنی طوغدیغی دقیقه+یه و او زمان حاكم اولان یلدیزك بروج و موقع و احكامنه كوره استخراج ایدرك خصوصی زایرچه+لر یپارلر.