زاویه — علم هندسه+ده تقاطع ایدن ایكی خط مستقیم اره+سنده بیوك كوچك هر نوع آچیقلغه تعبیر اولنوب تقاطع نقطه+سنه ده رأس زاویه
دنیلور بر خطك قطع ایلدیی دیكر بر خط ایله احداث ایلدیكی مجاور ایكی زاویه بربرینه مساوی اولورلر ایسه مذكور زاویه+لره قائمه و خطلردن هر برینه عمود دیرلر اكر بر زاویه قائمه+دن بیوك اولور ایسه (منفرجه) كوچك اولورسه (حاده) تعبیر ایدرلر. حكمت طبیعیه+نك مرایا قسمنده مركز عضو بصردن نظر اولنان مادە+نك ایكی نهایتنه موصول خط شعاعلر آره+سنده واقع زاویه+یه (زاویۀ مرئیه) دنیلور. عضو بصر نظر اولونان اشباحك جسامتنی شبكۀ عینیه+ده حصوله كلان خیالك جسامتنه كورە تقدیر ایدر حالبوكه مذكور خیالك جسامتی باقیلان ماده+نك نهایتلرندن بصره ورود و تقاطع ایدن خط شعاعلر ارە+سنده حصوله كلان زاویه+نك جسامتنه تابعدر. بر خیلی وقتدن برو ارباب تجربه اوست دیشلرك كنارندن جبینك اك چیقنتیلی محلنه وصل اولنان خط مستقیم ایله مجرای اذندن ینه اوست دیشلرك كنارینه وصل اولنان ایكی خط بیننده+كی زاویه واسطه+سیله بینك جسامتنی و بوندن بتون ذیروحه مودوع قوۀ مفكرە+یی تعیین ایله اوغراشه+رق مذكور زاویه بیوك اولدقجه بین او نسبتده بیوك و كوچك اولدقچه كوچك اولندیغنی و بین دنیلان ماده+نك حیواناته نسبتله انسانده اك بیوك اولدیغنی و اوروپالولرده مذكور زاویه ٨٥:٨٠ درجه مغوللرده ٧٥:٧٠ درجه زنجیلرده ٧٢:٧٠ درجه میمونلرده ٦٧ درجه اولدیغنی بالتجربه اثبات ایتمشلردر.