آتیللا — هون طائفه+سنك رئیسی و حكمداریدر بو ذات (٤٣٤ م) تاریخنده برادریله بالاشتراك ریاست مذكوره+یی درعهده و روما غرب دولتیله عقد ایتدیكی معاهده+یی بر مدت محافظه ایتدكدنصكره برادرینی دفع و معاهدۀ مذكوره+یی فسخ و جرمانلرله اتفاق ایدرك روما شرق ایمپراطوری ممالكنه هجوم و (تراسا) قطعه+سنی بحر سیاهه قدر استیلا ایلدیكندن ایمپراطور كنج تئودوس سنوی ایكیبك یوز التون ویرمك شرطیله مصالحه+یه مجبور اولدی (٤٥١ م) تاریخنده دخی بشیوز بیك عسكر ایله غرب ایمپراطوری ممالكنه یورییوب و استرازبورغ (و مج) شهرلرینی آلوب پارسه طیاندی ایسه ده ایمپراطور مشارالیه (ویزیغوت) و (بورغون) و (فرانق) و (ساقسون) طائفه+لریله بالاتفاق مقابله و (شالون)ده غلبه ایتدیكندن آتیللا اوچیور یك تلفاته كیرویه دوندی و حدتندن ایتالیانك بعض شهرلرینی و مشهور (اكیله) شهر جسیمنی یغما و احراق ایلدی آتیللا بلای آلهی لقبیله افتخار ایدر و یازدیغی فرمانلره بولفبی قورایدی. (٤٥٣ م) تاریخنده مركز حكومتی اولان (پانونی)ده تأهل ایدوب كوكیی كیردیكی كیجه زیاده+جه شراب ایچدیكندن چاتلامش و خلفی اولان برقاچ اولادی بربرلرینه دوشه+رك پدرلرینك شوكتنی ضایع اتمشدر