لغات تاریخیه و جغرافیه

Lugat-ı Tarihiyye ve Coğrafiyye

ژاپونیا

Japonya

ژاپونیا — چینك طرف شرقیسنده بر طاقم جزایر مجتمعه+دن عبارت مستقل بر ایمپراطورلقدر. جزایر مزكوره بیوك كوچك أوچ بیك بش یوز اون بر جزیره+دن عبارت اولوب باشلوجه+لری (نیپون) (كیوسیو) (سی قوق) یزو اطه+لریدر میقادونك یعنی ایمپراطورك مذكور نیپو اطه+سنده پای تختی اولان (میاقو) یاخود (كیوتو) شهرینك درت یوزبیك نفوسی اولدیغی كبی مقدما مقر حكومت اولان (یدو) شهرنده دخی یدی یوزبیك نفوسی بولنوب بونلرله برابر مجموع اهالیسی اوتوز درت ملیون اوچیوز اوتوز بیك رادە+سندە+در ژاپونلر اوروپانك اك مدنی بر حكومتندن زیاده معارفپرولك كوسترمكده+درلر. حاكم سیاسی و حاكم روحانی ناملریله ایكی حكمداره تابع اولوب حاكم روحانیلرینه (دایری) تعبیر ایدرلر. ژاپون ایمپراطورلغی اون ایكنجی عصرده تشكل ایتمشیدی (١٨٦٤ م و ١٢٨١ ه) تاریخنده انكلیز و فرانسز دوننمالری كیدوب سواحلنی تخریب و تهدیددن صكره تجارلرینك سربست براغلمسی و انتشار دین عیسوی+یه ممانعت اولنمامسی و دها بعض خصوصات حقنده ژاپونیایی معاهدە+یه ربط ایتدیلر قوت و اقتدار ایچون (حكومت) كلمه+سنه مراجعت بیوریله .