لغات تاریخیه و جغرافیه

Lugat-ı Tarihiyye ve Coğrafiyye

زاب / ذو

Zâb

زاب یاخود (ذو) — ملوك (پیشدادیان)ك صوكی و (طهماسب) بن منوچهرك اوغلیدر. متغلبه+دن افراسیاب منوچهری فراره مجبور و ممالك ایرانیه+یی استیلا ایلدیكندن اون ایكنجی سنه+سنده خانان فرسدن مشهور (زال بن سام) افراسیابه غلبه ایدرك ایراندن چیقاروب اشبو (زاب)ی اجلاس ایلدی. زاب مدت سلطنتی اولان اون بر سنه ظرفنده افراسیابك یاقوب ییقدیغی ممالكی اعمار ایتدكدن بشقه یدی سنه رعیه+سندن ویركو آلمدی. بر روایتده بنیامین بن یعقوب علیه السلامك كریمه+سی بونك والده+سی ایدی. زیرده محرر (زاب) نهری مشار الیهك نامیله شهرت بولمشدر.