رؤیا — علوم غیبیه+دندر روح قلبی حواس خمس واسطه+سیله قوای ظاهریه+یی تصریف و اعمالدن ناشی یوریلوب حالت نوم ظاهر اولدقده یعنی حواس ظاهره+نك جمله+سی معطل اوله+رق مركز قلبی+یه انجذاب ایلدكده روح قلبی+یه راكب اولان (روح عاقل) میدان بوله+رق كندو عالمنه لایق علوم غیبیه+یی ادراك و ینه بدنه رجعت ایلر (روح عاقل نوع بنی آدمه مخصوص بر نعمت الَهیه+در و حقیقتی عین ادراك اولدیغندن عالم امردن حقایقی ادراكه مقتدردر و بدنده اولدقجه جسمانی ایدوكندن تصرفی انجق قوای جسمانیه ایله+در) و قوای جسمانیه+دن اولان قوۀ متخیله مادۀ مدركه+یی بر طاقم صور عقلیه+یه افراغ ایدرك آلوب قوۀ حافظه+یه اعطا ایدر اكر صور خیالیه روح عاقلدن متنزل ایسه رؤیای صادقه و اكر اویانق ایكن حافظه+ده اجتماع ایتمش شیلردن ایسه اضغاث و احلامدر. علمای تعبیر قولنجو رؤیانك صدقنه دلالت ایدن علایمك بری رؤیت رؤیایی متعاقب اویانمق ایكنجیسی ادراك ذهنده ثابت اولمقدر.
قوۀ متخیله ادراك ایتدیكی شیء اكثریا اول معنایه مناسب بر حالده و حسك معتاد اولدیغی قوالبده بر صورت ایله تصویر ایتدیكندن یعنی مثلا سلطان
اعظم معناسنی بر بحر عمان و عداوت معناسنی ییلان كوستردیكندن رؤیا تعبیر محتاج اولور. رؤیای كورن شخصك مزاجنك دخی رؤیاده مدخل كلیسی اولوب طبیعتنده حرارت غالب اولان آدم اكثری رؤیاسنده آتشلی و صاری رنكلی شیلر و برودتی غالب اولان اكثریا قرمزیلی و قانلی شیلر و غوغالر رطوبتی چوق اولان بیاضه و یبوستی چوق اولان سیاهه متعلق شیلر كورر. مأ كولات و مشروبات و غضب و سرور كبی حالاتك تعرضیله دخی طبیعت موقةً تبدل ایدرك او كیجه رویاده انلره متعلق احكام اجرا ایلدیكی مجربدر.
بعض حكما رؤیا اویانق ایكن خلیا ایتمك كبیدر و حادثات زمانیه یكدیكرینه مربوط و متسلسل اولدیغندن روحك بر خصوصی شمدیكی حادثاتدن استدلال ایله قبل الوقوع ادراك ایلمسی ممكندر دیدیلرسه ده بو قوللری حقایق غیبیه و معنویه+یه و قواعد حكمیه+یه وقوفسزلق اثری اوله+رق منطقسز بر هزیاندر زیرا اویقوده اعمال فكر ممكن اولمدیغندن استدلال دخی ممكن اوله+مز (تعبیر رؤیا) كلمه+سنه دخی نظر بیوریله