رومیه — آذربایجانده و (خوی) قصبه+سی جهتنده یكرمی بش بیك نفوسی جامع بر اسكی شهردر. بوراسنی عجملر (زرداشت) شهری
ظن ایدلردی كه اولوقت اسمی (تربرما) ایدی ایكی فرسخ بعدنده طولی سكسان میل و اك درین یری یكرمی درت قدم بر بحیرە+سی اولوب اورته+سنده بر طاغ و طاغده بر قلعه ایله درت عدد قریه واردر. بورادن وقتیله چیقان علمای اعلام (ارموی) دیو رومیه+یه نسبت اولنورلر ایدی. رومیه+ده (اسقلینوس) نام حكیم طرفندن خواص حركات نجومیه ایله یاپیلان بر تصویر مجسم زواره لسان حال ایله سویلر و اهالی حین حاجتده بوندن استمداد ایدرلر ایمش. بر روایتده دخی (اسقلینوس) (هرمس)ك شاكردلرندن اولوب قبل الطوفان كلمشدر.