رومولوس — روما شهرینك مؤسسی و برنجی حكمداریدر (مارس) ایله الب حكمداری بهادر (نومیتور)ك (ره+اسیلویا) نام قزندن (روموس) ایله توأم اوله+ارق تولد ایلدی (ره+اسیلویا) بعض فخشیاتده
بولندیغنه بناء عموجه+سی اولان (امولیوس) مومی الیهایی دیری اوله+رق دفن ایدوب اشبو چوجقلری تیبر نهری اوزرینه براقمشیدی نهر چوجقلری قره+یه آته+رق قرالك چوبانی اولان (فوستولوس) اخذ و ارضاع و تربیه ایتدی بونلر بیویوب رومولوس بالآخره ولادتنك سرینه واقف اولدقده (نومیتوری) خلع ایدن مرقوم آمولیوسی قتل و مجدداً نومیتوری تخته اجلاس ایلدی و مؤخراً (٤٨٤١ خ) تاریخنده یعنی میلادك یدییوز اللی اوچ سنه مقدمنده قرنداشی روموس ایله برابر براقلمش اولدقلری محل اوزرینه روما شهرینك تمللرینی قورمغه كیتدیلر بو عملیات اثناسنده ایکی قرنداش بیننده بر نزاع تحدث ایدرك روموس (رومانك) دائره+سنی تشكیل ایدن خندقی استهزا طریقیله تجاوز ایلدكده رومولوس طرفندن قتل اولندی رومولوس حاكم مستقل قالدقده اشبو یكی شهری كندوسنه بر ملجأ اتخاذ ایدوب بر طاقم فراری و اسیر و سرسریلری نزدینه قبول ایلدی و بو قدر حشراتك زوجه+سز تك طورمیه+جقلرینی تفرس ایلدیكندن همجوار بولنان اقوامی لعبیات عومیه+یه دعوت و انلر دخی اجابتله و قاری و قیزیله كیملی قوشاملی كلدكلرنده رمولوس طاقمی قادین و قزلرینی قاپوب قاچیردیلر و هرنقدر قادیلرك قوجه+لری و بابالری كلوب غیبلرینی استه+دیلر ایسه ده ایش ایشدن کچمش و بر چوغنی قدرینه راضی و یكی قوجه+سندن ممنون بولمش اولدقلرندن كیرو دوندیلر و بو حادثه روما شهر نو ظهورینه قارشو محاربات مدیدە+یی دعوت اپلدیسه ده رومولوس قومشولرینك اكثریسنه غلبه چالوب (سیتنیه+ن)لرك قرالی اولان (اقروپی)یی دخی بالذات قتل ایلدی.
رومولوس بو وجهله اوفق بر حكومت تشكیلنه موفق اولمسی اوزرینه اهالی+یی قومیت اعتباری و (پله+بین) و (پاتریسیه+ن) نامی ایله ایکی+یه تقسیم و سناتو و شوالیه فرقه+لرینی احداث و تنظیم و دها بعض مراسم دینیه تأسیس ایلمشدر.