روما — ایتالیا دولتنك كرسیء اداره+سیدر اشبو شهر (تیبر) نهرینك هر ایكی جهتی اوزرنده واقع و اجنبیلر داخل حساب اولمقسزین ایكی یوز بیك نفوسی جامعدر شهرك موقعی اونی طبیعی بشی صنعی اون بش تپه+یی اشغال ایدر دوری اون سكز كیلومترو ایسه ده جمله+سی مسكون اولمیوب همان الیوم مسكون اولان محلی قدیم رومانك جهت شمالیسیدر (لاترانك) و (سنت انژ) نامنده سرایلری و شمالاً بر قلعۀ داخلیه+سی و متعدد كلیسالری اولوب بونلرك اك مشهوری (سن پترو) (سن ژان) (سنت ماری ماژور) (سن بول) كلیسالریدركه بونلر دنیاده بولنان
ابنیه+نك اك اعلاسی صاییلورلر بونلردن ماعدا اوچ یوز باب كلیساسی دها واردر و (سن پییر) و اسپانیا میدانلری مشهور و اكثریسی تراژان و انتونین عمودلری و قدیم دیكیلی طاشلرایله مزیندر.
روماده (ساپیه نزا) و غره غور یانه ناملریله ایكی دارالفنونی و دارالفنونك ایكنجی درجه+سنده جیزویتیلر طرفندن تأسیس اولنمش روما مكتبی و (پروپاغداندا) مكتبی و سائره ایله بر مدرسۀ رهبانیه و صاغر و دلسزلره مخصوص تعلیمخانه و صنایع نفیسه تعلیمی ایچون متعدد مكتبلری و رصد خانه و تاریخ طبیعی درسخانه+لری و نباتات باغچه+لری و موزه خانه و متعدد مطبعه+لری بولنور فرانسه انكلتره و اوستریا كنجلری صنایع نفیسه تحصیلیچون رومایه كیدرلر متعدد هیئات علمیه و كتبخانه+لری دخی مكمل اولوب بونلر ال یازولی كتابلرله مالامالدر. صناعتجه روما شهری براز دون اولوب یالكز غاز شرید اطلس صنعی چیچك چوقه عطریان و موسیقه آلاتی چیقار. هواسی قیشین صاغلام یازین بونك عكسنه+در جنوب شرقی طرفندن هبوب ایدن روزكار اكثریا علل ساریۀ شدیده+یه باعث اولور.
روما (٤٨٤١ خ) تاریخنده یعنی میلادك یدییوز اللی اوچ سنه مقدمنده تأسیس اولنوب بو تاریخندن اعتباراً ٢٤٤ سنه ظرفنده (رومولوس) و التی نفر اخلافی طرفندن مركز قرالیت اتخاذ ایدلدیكی حالده(٥٠٨٥ خ) تاریخنده یعنی میلادك بشیوز طقوز سنه مقدە+منده تاركنلرك مظالمی قراللغه نهایت ویرمكله جمهوریته تحویل اولنه+رق سنه بسنه انتخاب اولنان قونسللر معرفتیله اداره ایدلدی مؤخراً (پاتریسیه+ن) (پله+بیه+ن) نام ایكی صنف اهالی بیننده متحدث نزاع و مقاتلات متمادیه رومانك ضعف اقبالنی تمام بر عصر تمدید ایدوب (٥٢٠٥ خ) تاریخنده دخی غوللر طرفندن ضبط و تخریبنه آز برشی قالمشیكن (مانلیوس)ك ثمرۀ غیرتی ایله قورتارلدی و قرق التی سنه صكره باشلایان (سامنیت) محاربه+سی ایسه بتون ایتالیایه دهشت انداز سرایت اوله+رق ایتالیای وسطی و جنوبینك رومایه التحاقیله نهایت بولدی و (٥٣٣٠ خ دن ٥٣٥٣ خ) تاریخنه قدر ممتد اولان برنجی پونیق محاربه+سنده سچلیای غربی و ساردنیا و مؤخراً سچلیای شرقی و اسپانیا و دها صكره
ماكدونیا رومایه كچوب (٥٤٤٨ خ) تاریخنده یعنی میلادك یوز قرق التی سنه مقدمنده روما جمهوریتی یونان دولتنی دخی محو و نابدید و قارتاجلولره غلبه چالوب سلوسیدلری آسیای صغرادن (توروس)ك اوته+سنه قدر طرد و تبعید ایلدی لكن صكرە+لری روماده اصول حكومت بوزیلوب بر آره+لق (سیللا) ظهور ایدرك دیكتاتورلغی غصب و فوق الغایه شدتله معامله ایدوب و مؤخراً (اوکتاو) قرال اولوب ایكی سنه صكره اوغوست و ایمپراطور عنوانلرینی آلدی وایمیراطور بیوك قسطنطین زماننده یعنی (٣٣٠ م) تاریخنده پای تخت سلطنت استانبوله نقل اولندی.
بوندن صكره دخی روما بر طاقم تقلبات جدیده+یه اوغرایوب هروللرك قرالی اولان (اودواقر) زماننده یوجه بر قرالیت و مؤخراً روما دوقه+لغی نامیله خصوصی بر دوقه+لق تشكیل اولندی و بعده (٧٣٠ م و ١١٢ ه) تاریخنه طوغری پاپالر طرفندن اداره (شارلمان) دورنده فرانسه حمایه+سنه ادخال ایدیلوب اوننجی عصر میلادیده مازوری فاملیاسنك زیر حكمنه كیردی و (١٤٩٥ م و ٩٠١ ه) تاریخنده ناپولی فتحنه كیدن یدنجی شارل و مؤخراً داها بشقه ذوات طرفلرندن ضبط و (١٨٠١ م و ١٢١٦ ه)ده لونه ویل معاهده+سی موجنجه پاپا یدنجی (پی)یه اعاده اولندیسه ده یدی سنه صكره ناپولیون روما و دولت رهبانیه+نك اك بیوك قسمنی فرانسه+یه كچیروب (١٨١٤ م و ١٢٣٠ ه) تاریخی حادثاتی یاپایی تكرار مسند اقتداره كتوردی. خلاصۀ كلام روما شهری تأسیسی تاریخندن (٥٠٨٥ خ) تاریخنه یعنی میلادك بشیوز طقوز سنه مقدمنه دكین قراللر و اندن صكره قونسللر و ایمپراطورلر و مؤخراً هروللر و غوتلر و دها صكره (راوه+ن) اقزار خولرینه تابع دوقلر و پاپالر طرفلرندن اداره ایدیلوب نهایت ایتالیا دولتنك تحت ادارە+سنه کچمش و دولت مشارالیها طرفندن پای تخت اتخاذ اولنمشدر.