روض الاخبار — (١٥٣٣ م و ٩٤٠ ه) تاریخنده وفات ایدن محی الدین محمد بن قاسمك علم محاضراته دائر قویدیغی اثردر (جاء بفضله) عباره+سی صاحبی طرفندن اثر مذكورك تألیفنه تاریخ سویلنمشدر
روض الآاداب — (١٤٧٠ م و ٨٧٥ ه) تاریخنده شهاب الدین احمد بن احمد بن علی حجازیء شاعر مصرینك مطولات و موشحات و مقاطیع نثریات و حكیاتدن باحث مجموعۀ ادبیه+سیدر
روض الازهار — (١٥٣٣ م و ٩٤٠ ه) تاریخنده وفات ایدن شیخ محمد بن بدرالدین مغلوینك فنون شتی اوزرینه اعتراضاتی حاوی اثریدر
روض الانیق فی مسندالصدیق — (١٥٠٥ م و ٩١١ ه) تاریخنده وفات ایدن جلال الدین عبدالرحمن بن ابی بكر سیوطینك اثریدر
روضة الاریب — (١٢٩٩ م و ٦٩٩ ه) تاریخنده وفات ایدن شیخ ظهیرالدین علی بن محمد كازرونینك تألیف ایلدیكی تاریخدر
ًروضة العریف — (١٣٧٤ م و ٧٧٦ ه) تاریخنده مقتولا وفات ایدن امام علامه بقیة المجتهدین لسان الدین ابی عبدالله محمد بن خطیب وزیر خطیر اندلسینك علم تصوفه دائر اثر صفوت اتصافیدر
روضة العارفین — علامه محمود غزنوینك اثریدر
روضة — (١٠٧٠ م و ٤٦٣ ه)ده وفات ایدن عبدالواحد بن احمد بن ابی قاسم بلخینك بیك عدد حدیث شریف و ایكی بیك حكایات و مواد غریبه و بیك عدد ابیاتی جامع اثریدر
روضة الابرار — و (روضة الاحباب) و (روضة الصفا) ایچون تاریخه نظر پیوریله
روضة الابرار — (١٦٦٨ م و ١٠٧٩ ه) تاریخنده وفات ایدوب بروسه+ده مدفون بولنان قره چلبی زاده (عبدالعزیز) افندینك تألیف لطیفیدر مومی الیه ختام تألیفده بونی حضور شاهانه+یه تقدیم ایدرك پایۀ فتوی ایله بكام اولمشیدی
روضة الاحباب فی سیرةالنبی والآل والاصحاب — (١٥٩١ م و ١٠٠٠ ه) تاریخنده وفات ایدن جلال الدین عطاءالله بن فضل شیرازینك اثر مستطابیدر