روحانیون — فرق ضاله+دن بر فرقه+در. بونلر (عالمك شائبۀ حدوثدن بری و منزه فاطر و حكیم بر صانعی واردركه آنك كمال و جلالنه وصول نقطۀ منتهای عجزه موصولدر و آكا تقرب جوهراً و فعلاً و حالةً مطهر و مقدس بولنان روحانیلر واسطه+سیله حاصل اولوركه آنلر بزم ربلریمز و الهلریمز و رب الارباب و آله آلاهه عندنده سائل و شفیعلریمزدر روحانیلره
تقرب ایسه نفسلریمزی دنس شهوات طبیعیه+دن تطهیر و اخلاقمزی علایق قوای شهویه و غضبیه+دن تهذیب ایله ممكن اولور و بو تطهیر و تهذیب دخی تضرع و ابتهال و نماز و زكات و اورج و قربان و تبخر و قرائت عزایم ایله وجود بولور) دیرلر و بونكله برابر (انبیاء نوعاً و شكلاً و مادةً بزه مشابه اولوب یدیكمزدن یر ایچدیكمزدن ایچر والحاصل هرشیده بزم كبی بشر اولدقلری حالده ندن آنلره اطاعتله مكلف اولیورز) ادعاسنده بولنورلر. فرقۀ مذكوره+نك بو مثللو عقاید سخیفه+سنه نهایت یوقدر.