روایح — نباتی و حیوانی و طبیعی و عملی اوله+رق برقاچ صنفه تقسیم اولنور بناتیسی كل و بلسان (پلسنك)و ساقز و حیوانیسی مسك و عنبر كبی شیلردركه بونلری دخی بر برلریله برلشدیرە+رك برچوق كوزل قوقولر وجوده كتوررلر. روایح استعمالی پك اسكی اولوب حضرت موسی علیه السلام زماننده ناردین و كونلك و امثالی قوقولر قوللانورلر و قدیم الایامده ممالك شرقیه و خصوصاً عربستان اهالیسی قوقویه زیاده+سیله حریص اولدقلری كبی مصرلیلر تعطیر اموات ایچون پك چوق عطریات صرف ایدرلر ایدی كوزل قوقولر رومایه تنپرورلك زماننده كیردی و ایمپراطورلر زماننده بو بابده اولان اسراف دائرۀ فهم و ادراكدن خارج بر درجه+یه ایصال اولندی شویله كه عطریاتك قیمتی التون قیمتندن دها زیادە+یه اوله+رق آلنور صاتیلور و سرای و قوناقلرك اوطه و صفه+لری یوقاریدن اشاغی+یه عطریات ایله تدخین و تبخیر اولنور ایدی عراقده دخی
یعض ملوك كل صویی طولو حوض ایچنده یوزر تكنه یاپدیروب و یتاغنی آنك اوستنه وضع ایتدیروب یاتمغی عادت ایدنمش ایدیلر. مؤخراً بر آره+لق اوروپاده یساغ ایدیلوب قوقو استعمال ایدن آدملر تأدیب اولنمفه باشلادی صكره بو مراق یواش یواش متروك و صكره+لری همان طائفۀ نسایه و نسا كبی تزییناته مجبور رجاله منحصر قالدی.
شمدیلرده ساچه سورمك ایچون بر طاقم قوقولی صولر دخی ایجاد اولنمشدر بونلرك اك مشهوری (١٧٢٧ م و ١١٤٠ ه) تاریخنده قولونیالی فینبرك اختراع ایلدکیی (قولونیا صویی)در بو صویك صورت تركیبی شو وجهله . اوتوز ایكی درجه+ده شراب روحندن ایكی لیتره و اغاج قاوونی و لیمون و پورتقال و برغموت و ببریه خلاصه+سی و چیچك صویی هربرندن یكرمی دردر قطره بونلر سكز غرام قاقوله چكردکی ایله برابر بر شیشه ایچنه قونیلوب و شیشه دخی قینار صو ایچنه صوقولوب ذكر اولنان ایكی لیتره شراب روحی یارم لیتره+یه تنزل ایدنجه+یه قدر تبخیر اولنور اشته اشبو باقی قلان یارم لیتره صو قولونیا صویی دیمكدر. بو اصول اوزره چیقاریلان ببریه و ببریه فاملیاسندن اولان لوانته روحنی دخی (مجار صویی) یاخود (قرال صویی) و (لوانته) دیه+رك آلور سورینورلر.