روان — روسیه+نك آسیا قطعه+سنده و (ارارات) طاغنك اللی بش كیلومترو شمال شرقیسنده بر ولایت مركزیدر. ترك كرد ارمنی روس مختلط اولمق اوزره مجموع نفوسی یوز سكسان بیك رادە+سنده اولوب چوغی مسلماندر و خیلی جوامع شریفه و بر طوپ دوكمخانه+سی و متعدد قشله+لری واردر. بوراسی مقدما ارمنستان قراللرینك مقر حكومتی اولدیغی حالده حضرت (عمر) رضی الله عنه ایامنده (سراقه بن عمر) طرفندن آذربایجان و شروان ایله برابر فتح اولنوب مؤخراً عجملره و (١٥٦٩ م و ٩٧٧ ه) تاریخنده دولت علیه+یه و ینه عجملره و (١٥٧٩ م و ٩٨٧ ه)ده دخی لالا مصطفی پاشا یدیله (باكو) شماخی) (قزل اغاج)ه قدر استیلا ایدلدكدن صكره (١٧٢٤ م و ١١٣٧ ه) تاریخنده تكرار عجملره و نهایت دخی روسیه+لولرك پنجۀ استیلاسنه كچیدیكندن حسابسز كش مكش تقلبات و تبدلاته اوغرامشدر