لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
رنجیت سنك
Ranjit Singh
رنجیت سنك — كشمیر و لاهور حكمدارلرندندر (١٧٧٢ م و ١١٨٦ ه)ده مجهول بر قبیله+دن تولد و (١٨٣٩ م و ١٢٥٥ ه) تاریخنده وفات ایلدی كشمیرلیلرك انكلیزلره قارشو آچدقلری محاربات متعدده+ده كسب شهرت ایدرك (١٨٠٠ م) تاریخنده رؤسای قبائل طرفندن حكمدار انتخاب اولندی مدت حكومتی اثناده مملكتنی انكلیزرك تحت نفوذندن قورتاردقدن بشقه پنجاب مولتان كشمیر پیشاور و افغانستانك بر قطعۀ جسیمه+سنی ید تسخیرینه آلوب (الاراد) و (واتورا) نام فرانسز جنراللری معرفتیله عساكرینی تعلیم و اوروپا اصوانجه ترتیب و تنظیم ایلدی مشار الیهك وزیری (كلاب سنك) لاهور ممالكنی ویروب اكا بدل كشمیرده استقلالنی تصدیق ًایتدیرمك ایچون تخمیناً (١٨٥٧ م و ١٢٧٤ ه) تاریخنده انكلیزلرله خفیا اتفاق ایدوب بو قراره مبنی انكلیزلر رنجیت سنكك شهزاده+لرینی برر دسیسه ایله جلب و توقیف ایتدكدنصكره وزیر مومی الیهی شهزاده+لره وكیل كبی كشمیره كوتدردی و بو صورتله لاهور دخی انكلیزلرك اداره+سنه كچدی لاهوریلر اكثریا مجوسی كشمیریلر اسلامدر.
Daha fazla bilgi için:
Wikipedia (En)