لغات تاریخیه و جغرافیه

Lugat-ı Tarihiyye ve Coğrafiyye

رمل

Remil

رمل — بر طاقم مسائل مبهمه+یی اشكال مخصوصه واسطه+سیله استدلال و استخراجه اطلاق اولنور. بوده عدد بروجه توفیقاً اون ایكی شكل اوزرینه مؤسسدر. فن مذكورك اكثر مسائلی امور تخمینیه+دن تجاربه مبتنی شیلر اولوب هیج بر جهتی یقین افاده ایتمز. اربابی اولان كمسه+لر بروج اثنی عشردن هر بری بر حرف معین و اشكال مذكوره+دن بر شكل اقتضا ایدر بناء علیه مطلوبدن سؤال زماننده اوضاع بروج رملدن بر شكل معین وقوعنی مقتضی اولمغله اول اشكال مدلولاتی اولان بروجك اوضاعنه مناسب احكام چیقاریلور كبی اكلاشلمز بر طاقم سوزلر سویلرلر. علم رمل بیلمدیكمز بر حقیقتی حائز اولمیوبده زمانمزده+كی رماللرك بیلوب یاپدقلری قدر ایسه یالكز نیتله بر فال آچمق قبیلندن اولمغله حكمی یوقدر بونلر ابتدا كاغد یاخود قوم اوزرینه لاعلی التعیین درت طاقم و هربری دردر سطر اوله+رق نقطه+لر یاپوب و ابتدا كنك برنجی سطرندن بدأ ایله جمله+سنك نقطه+لرینی چفت چفت ایدوب نهایتلرنده قالان چفت ویا تك نقطه+لری اخذ و درت شكل اخراج ایدرلر و اندن صكره اشكال اربعۀ مذكورە+نك ابتدالرنده واقع اولان نقطه+لری دخی اشكالك عرضی جانبندن اخذ و علی الترتیب بری بری تختنه طولانی وضع ایله درت شكل دها تولید ایلرلر و بویله بویله شكللر اون التی+یه بالغ اولدقده هر برینك احكامنه كوره حاصل اولان نتیجه+یی خبر ویررلر یعنی نقطه+لرك چفتلشمسیله وجوده كلان ولد موهومه احكام نامی ویروب مكتب عرفان كورمیان بر طاقم ساده+دلانی ایناندیررلر. )بیان اولنان اون التی اشكال شونلردر) اشكل . اسامی . طبایع و احکام جماعت . سعدایله نحس آره+سنده ممتزج . راست وامنیت //// طریق . سعدایله نحس آره+سنده متوسطو ممتزج . سفر .... لحیان . سعد . سرور و فتح باب و دفع مرض /.// حمره . نحس اكبر . دهشت و مقاتله //./ بیاض . سعد . بشارت و منفعت //./ انكیس . نحس اكبر . مشقت و امتداد زحمت ///. نصرت خارج . سعد . حصول مراد و سفر ..// نصرت داخل . سعد . سعادت و حصول مقصد //.. عقله . ممتزج . التزام صبر و سكونت .//. اجتماع . ممتزج . مشقت مبدل راحت اوله+جغنه اشارت /../ قبض داخل . سعد . حصول مراد و حسن مواصلت /./. قبض خارج . نحس . مضایقه+یه قارشو صبر و سكون ././ ثابته . نحس . صبر و تأمل .../ قائمه . ممتزج . فائده و خیر /... فرح . ممتزج . صحت و سلامت ../. نقی الحد . ممتزج . طارلق و انقلاب ./.. نقله كوره بوفن آدم ادریس لقمان ارمیا شعیا دانیال علیه السلامك معجزاتندن ایمش بو بابده قدما حددن زیاده اعتنا ایله برچوق كتابلر تألیف ایلمشلردر مشهورلری شونلردر ابواب الرمل. اصل مفاتح . اصول الرمل. انوار اقلیدی. تحفۀ شاهی. تقویم الرمل . تلخیص. توضیح . تهذیب. جامع الاسرار. جهان الرمل. خلاصة البحرین. دخیره . رسالۀ یونس. رسالۀ سر خواب. رسالۀ كله كبودروش. ریاض الطالیین. زبده . زین الرمل. شجرۀاوزان. ثمرۀ طرابلمس. عین الرمل. فصول قواعد. كامل الحصول كشف الاسرار. كفایه . كنزالدقایق . كنوز ابو علی. لباب اللباب. مصباح. مفتاح. مفاتیح . مفتاح الكنوز. منهاج الاسرار. نتیجة العلوم. نزهة العقول. وافی نصیرالدین طوسی. هدایةالنقطه . علیه الصلاة والسلام افندمز علم رملی تعلیق بالمحال اوله+رق . (كان نبی من الانبیاء یخط مفن و افق خطه فذاك) بیورمشلردر.