رمضان افندی — طریق خلوتیه رجالندن. مسقط رأسی قره حصار قصبه+سی تاریخ وفاتی (١٦١٦ م و ١٠٢٦ ه) سنه+سیدر. مومی الیه صاحب حلم و وقار و بین الاهالی حائز عز و اعتبار بر ذات عالیشعار اولوب درسعادتده بر دركاه مخصوصی وار ایدی. وزرادن محمود پاشا اول وقت صدر اعظم یمشجی حسن باشانك یدغدرندن قاچوب بو ذاتك دركاهنه التجا ایتمكله صدر اعظم اخذ و كرفتیچون برقاچ آدم كوندردكدن صكره بالذات كلوب تسلیمنی طلب و اصرار ایدر شیخ (بزم دركاهمزده پاشا یوق جمله+سی درویشدر استرسه+كز حضوریكزه كلسونلرده هانكیسی ایسه آلیكز) دیوب درویشلری حضورینه كتورمسی اوزرینه ایچلرنده محمود پاشا عباپوش اوله+رق موجود اولدیغی حالده صدراعظم اشته شودر دیه+مز.