ركن الاسلام — والد امام الحرمین عبدالله بن یوسف بن عبداللهك لقبی اولوب كنیه+سی ابو محمد الجوینی+در علم فقه اصول تفسیر حدیث نحو و ادبده مشهور آفاق ایدی (قفال)دن استماع حدیث و نیشابورده افتا و تدریس ایلدی غایت زاهد و متورع و كریم و مهیب بر ذات اولدیغندن حضورنده هیج بر كیمسه هزل و مزاحه دائر سوز ایرادینه قادر اوله+مامزایدی وفاتی نیشابورده (١٠٤٦ م و ٤٣٧ ه) تاریخندە+در اثنای غسلنده صاغ الی قولتوغنه قدر مانند بدر منیرلمعان ایتمكده اولدیغنی جنازە+سنده بولنانلر كورمش و بونی حال حیاتنده یازدیغی فتاوای شریفه+نك اثر یمن و بركتی عدی ایتمشلردر.
)كتاب الفروق و السلسله) (تبصرة) (تذكرة) (مختصر المختصر) (شرح الرساله) تألیفاتندندر بونلردن بشقه بر تفسیر كبیری دخی واردركه هر آیتی اون نوعله تفسیری مشتملدر.