رفائل — متأخرینک اك مشهور رساملرندندر (١٤٨٣ م و ٨٨٨ ه) تاریخنده ایتالیاده (اوربن) شهرنده عرض تمثال وجود ایتمش و (١٥٢٠ م و ٩٢٧ ه) تاریخنده اوتوز یدی یاشنده تارك عالم صورت اولمشدر
یاپدیغی رسملر شمدی انتیقه حكمنده و كلیتلی مبالغ ایله آلنوب صاتلمقدە+در مومی الیهك رساملقده حذاقتی قدر صنعت معماریده دخی مهارتی وار ایدی. (واتیقان)ده (لوژالر) نامیله معروف دائره+یی انشا و اول وقت هنوز تصورده اولان روما (سن پترو) كلیساسی ایچون كوزل رسملر ترتیب و ارائه ایتمشدر. رفائل بركون بر لوقانطه+یه كیروب طعام ایتدكدن صكره اوكندە+كی طباغك ایچنه درحال بر فرانق رسمی یپار كیدر لوقانطه+جی اول امرده رسم مزبوری صحیحاً فرانق صانوب صكره رسم اولدیغنی اكلادیغی كبی اهمیتنی تقدیره مستعد بر آدم اولدیغندن زیاده+سیله ممنون اوله+رق طباغی بر جاملی طولاب ایچنه قور و سیرینه كلان مشتریلر سایه+سنده پك چوق ثروته نائل اولور