آتوود — حكمت طبیعیه علماسندندر و مسقط رأسی انكلتره
تاریخ وفاتی (١٨٠٧ م و ١٢٢٢ ه)در. بو ذات انكلتره+ده قامبریج
دارالفنوننده بر مشهور خواجه ایدی. حركات دوریه و مستقیمه+یه
و قواعد حكمیه و طبیعیۀ سائره+یه دائر ایكی عدد رساله+سی واردر و بونلرك
برینه چالار ساعتلرك كفچه+لری حركاتنه دائر بعض مسائل درج اتمش
و حكمت طبیعیه درسلرنده اجسامك سقوطی قانونلرینی حساب اتمك أوزره
بر ماكنه ایجاد ایلمشدر. بو ماكنه ایكی بچق مترو ارتفاعنده اخشابدن
معمول بر ستونك رأسنه وضع اولنور و اوزرینه فانوس كچوریلور بیوجك
معدنی بر دائره+سی و ابره+سی و اجسام ثقیله تعلیق اولنه+جق غایت اینجه
ایپلكی و ثانیه+لی ساعتی و مقیاسی واردر بو آلت مومی الیهك نامیله مشهوردر.