لغات تاریخیه و جغرافیه

Lugat-ı Tarihiyye ve Coğrafiyye

رعوم

.رعوم — كممایه+یه اولان اییلكدن كوریله+جك كملكه تعریضاً (كلبكی سمرتكه+سنی ییسون) مألنده اولمق اوزره مضروب اولان (سمن كلبك یأكلك) مثل عربیسنك قائلی بولنان (حازم بن منذالحمانی)نك كریمه+سیدركه پدری بو مثلی آنك یوزندن سویلمش اولدیغی جهتله شهرت بولمشدر شویله كه مومی الیه متمول بر كیمسه اولوب (همدان) محلاتندن برنده اسكی بزلر ایچنه صاریله+رق زقاغه براغلمش بولدیغی بر اركک چوجغی خانه+سنه كوتورمش و امزكلی بر جاریه+سنی ارضاع و تربیه+سنه حصر ایدرك بیوتوب میدانه كتوردكدن صكره قیونلرینی و دوه+لرینی النه تسلیم ایتمشیدی بركون مرقومی كریمه+سی اولاجق اشبو (رعوم) ایله بر یرده بولمغله حقنده چكدیكی امكلره تأسف معرضنده كلام مزبوری ایراد ایلمشدر بعده سل سیف ایدوب اوزرلرینه یوریدكده مرقوم اورادن قاچمش و او صره+ده (رعوم) دخی بر طرفه صاوشوب پدری مرقومی براز تعقیبدن صكره دونوب (موت الحرة خیرمن العرة) دیو آنی دخی قتل نیتیله ارایرمقده ایكن مزبوره+یی بوغلمش بولمشدر بو صورتله تشفی ایدرك (هان علی الثكل لسوء الفعل) دیمكله كلامنك هربری موقع مناسبنده سویلنور امثالدن اولمشدر.