لغات تاریخیه و جغرافیه

Lugat-ı Tarihiyye ve Coğrafiyye

رطل

رطل — بهر قیه+سی قرق درهم شرعی اولمق اوزره اون ایكی قیه+یه دینورسه ده بو بر قاعدۀ مطرده اولمیوب بعض محللرده اختلاف ایدر ایدی. مثلا شام شریفده التی یوز درهمه رطل دیدكلری كبی بعض طرفلر اهالیسی دخی بر جسم متوسط صاحبنك ایكی آوجی طولیسی ذخیره استیعاب ایدن اولچی+یه رطل دیدیلركه یوز یكرمی سكز درهمه بالغ اولور اقطار حجازیه+ده ایسه دها مختلفدر. طرابلس غربده رطل مقامنده (جره) استعمال اولنور هر جره التی غراف و هر غراف بشیوز التمش درهم اولدیغنه نظراً بهر (جره)نك سكز قیه یوز التمش درهمدن عبارت اولمسی اكلاشیلور. (لودره) رطلك غلطی ظن اولیورسه ده مقداری موافق دكلدر زیرا لودره قنطارك یوزه مقسومیدر یعنی یوز لودره بر قنطاردر بو صورتده هر بر لودره یوزیتمش التی درهم اولمش اولور.