لغات تاریخیه و جغرافیه

Lugat-ı Tarihiyye ve Coğrafiyye

رضاع

رضاع — چوجقلرك امزیرلمسنه دقت هر آنه+یه واجبۀ ذمتدر چوجغه اك زیاده یرایان آنه سودی اولوب آنه+نك علل موروثه و حال مرض مستثنا اوله+ارق قوی البنیه اولمسی شرط دكلدر والده وضع حملدن برقاچ ساعت صكره چوجغنی امزیرمك لازم ایسه ده وضع حمل حماسی اوستنده ایكن جائز اوله+مز خفیفجه یورك سورمك خاصه+سنه مالك اولان ایلك سود چوجغه نافعدر و چوجق والده+سنك ممه+لرنده غدای كافی بولدقجه دیكر غدایه محل یوقدر چوجغك برنجی دیشلری چیقمزدن اول رضاعی قطع و بشقه اغدیه اعطاسی جائز اولمیوب فقط اون ایكی و اون بشنجی آینده چوجغه استعداد كلمش ایسه اولوقت سوددن كسیلور. هرنقدر قصراق و دیشی مركب سودینك قادین سودی ایله مشابهتی وار ایسه ده كچی قولایلقله ممه+لرینی امدیردیكندن ایجابی تقدیرنده کچینك سودی ترجیح و ممه+سیله ارضاع اولنور لكن کچنك علتدن سالم و كنجك و بوینوزسز اولمسی شرطدر و آنه سودی صیجاقلغنده ایصیدلمش كچی سودینی قومناستیق و بشقه بر واسطه ایله دخی ویرمك ممكن ایسه ده سودی صیجاق صو ایچنده ایصتمق دها مناسبدر امزكلی والده+لره اویقو زیاده لازم اولدیغنه و كیجه اویقودن قالقوب سود ویرمك مشكل ایدوكنه بناء چوجغی كوندزلری اممه+كه آلشدیرملیدرلر كرك خالص كچی سودی و كرك قینامش ارپه ویا بلغور صویی ایله قاریشق اینك سودی دخی والده سودی یرینه قائم اولور و شوربا كبی خفیف اغدیه انجق التنجی آیه طوغری ویریله+بیلور. والده+لر و سود آنه+لر ممه+لرینی صغوقدن دقتله محافطه ایتملیدر و بعض چوجقلرك برنجی آیلرنده چوق اویویوب آز ممه امدكلری واقع اولدیغندن و بویله اوزون اویقو دماغه برودت دعوت ایلدیكندن ایی برشی دكلدر بناءعلیه او حالده چوجقلری اویاندیروب صیق صیق ممه ویرمك لازم كلور. چوجق سود امركن اغزنده بر شاپرتی حس اولونور و شاپرتی كسلدیكی كبی چوجق اویومش دیمك اولدیغندن اولوقت اصول+له ممه+یی اغزندن چیقارملیدر. والده+لر صراجه و ورم كبی علل موروثه و ساریه ایله معلول اولدیغی حالده بر سود آنه+یه احتیاج مس ایده+جكندن او حالده طوتیله+جق سود آنه+نك سودینی معاینه ایتمك لازم كلور سودك اعلاسی تمیز بیاض و متوسط قواملی و خفیفجه شكر لذتلی اولانیدر و مرضعه+نك اورته یاشلی و ایكنجی یاخود اوچنجی نوبت ارضاعی و التی آیدن آزجه ترضیع ایتمش اولمسی شرطدر. ازمنۀ سالفه+ده سود انا استعمالی یونانیلرده موجود ایدی اولوقت سود انا ارصاع ایلدیكی چوجغك یانندن ایرلمز و امزیردیكی قز ایسه بیویوب اره وارمدقجه اندن مفارقت ایتمز ایدی وقتیله اسپارتده سود آنه+لرك دولت مصارفیله انفاق و اعاشه ایدلدیكی دخی بعض تواریفده كورلدی.