رشید پاشا — زمان سلطان محمود خان ثانیده لوندره و پارس سفارتلرنده بولنوب سلطان (عبدالمجید) خان زماننده التی دفعه+ده یدی سنه صدارت و اوچ درت دفعه خارجیه نظارتی ایتمش بر وزیر ذیشاندر سخاوت و نزاكتی و خصوصا فنون سیاسیه+ده وقوف و مهارتی بالعموم آوروپا دولتلرنجه دخی معلوم و مسلم اولوب جملۀ اجراآت حسنه+سندن اولمق اوزره تنظیمات خیریه+یی وضع و او عصرك اهم مشاغلندن اولان مصر و یونان و مملكتین مسائل مشكله+سنی حل و رفع و آوستریا و روسیه دولتلرینك تضییقی اوزرینه حمایۀ دولت علیه+یه التجا ایدن مجارلری ویرمامك كبی اعلای شان دولتی موجب بر مسئلۀ فوق العاده+یی تسویه ایتدی و روسیه دولتیله آچیلان ١٨٥٣ م و ١٢٧٠ ه) محاربه+سنده دخی انكلتره و فرانسه و ساردنیا دولتلرینك اتفاقنی بالاستحصال بو یوزدن ظهوری ملحوظ غوائلی دفع ایلدی. مشار الیهك اسمی مصطفی اولوب پدری اوقاف روزنامجه+جیسی مصطفی افندی دیتمكله معروف ایدی. اللی طقوز یاشنده اولدیغی حالده وفاتی (١٨٥٧ م و ١٢٧٤ ه) تاریخنده+در