رسم — تقسیم علومده یدنجی صنف اعتبار اولنان فن موسیقی و معماری كبی علوم نفیسه+دندر. بر سطح مستوی اوزرینه یاپیله+جق اولان بر شكل برنجی درجه+ده فن مناظره تطبیقاً چیزلمك و ایكنجی درجه+ده آیدنلق و كولكه+لر ایله مواضع شكل كوسترلمك و اوچنجی درجه+ده بویالرك رنكلرینی تعیین و تنسیب ایلمك ایله ترسیم اولنور. بر رسام ایچون باشلیجه بیاض سیاه صاری قرمزی مائی بش درلو رنك كافی اولوب بونلری یكدیرینه مزج ایله اچیقلی قویولی دها برچوق رنكلر تولید ایده+بیلور. یاغلی بویا وقتیله چین و ایران طرفلرنده نقاشلره منحصر ایكن اون بشنجی
عصر میلادیده (ژان وان ایك) رسم یاپلمسنی دخی اختراع یاخود اكمال و یمورطه اغی استعمالی یرینه اقامه ایلدی فغفوری و جام اوزرینه مینالی و (موزاییق) و اخشاب نقشلر هب بو صنعته تعلق ایدر (له اوناردوونس) (لوبرون) (بلاق) (شورول) نام ذاتلرك فن رسمه دائر یازدقلری اثار سزاوار ایدیء اعتباردر.
وقتیله بو فن ایتالیانلره منحصر كبی ایدی و حقیقة ایچلرنده (١٥٢٠ م و ٩٢٧ ه) تاریخنده وفات ایدن (رفائل) و (فیدیاس) و (روزا) كبی مشهور ذاتلر یتشدی ایسه ده مؤخراً اوروپانك سائر طرفلرنده دخی تشویقات و (١٦٤٨ م و ١٠٥٨ ه) تاریخنده فرانسه+ده تشكل ایدن رسم اقادیمیسی و اون ایكی و اللی سنه صكره یعنی (١٧٩٨ م) تاریخنده یاپیلان روما و سائر صنایع نفیسه مكتبلری و موزه خانه و سركیلر سایه+سنده كركی كبی ایلرولدی. رساملق فن موسیقی و شعر كبی استعدادك اعانه+سنه توقف ایدر بر فن لطیفدر.