لغات تاریخیه و جغرافیه

Lugat-ı Tarihiyye ve Coğrafiyye

رستم پاشا

Rüstem Paşa

رستم پاشا — خرواتی الاصلدر. سلطان سلیمان زماننده طقوز سنه صدارت و شرف صهریته كسب نائلیت ایلدی. مشار الیه دیار بكرده والی ایكن سلطان سلیمان حضرتلری بوكا (مهرماه) سلطانی ویرمك مراد ایدرك افكارینی بعض خواص ندماسنه اچدقده ایچلرندن چكه+میانلری (جذام علتنه مبتلادر بناء علیه سلطان ایله ازدواجی تجویز اولنه+مز) دیرلر پادشاه دخی اعتماد ایتمیوب حكمادن بر امین آدمنی برای تحقیق تبدیلاً دیاربكره كوندرر و بو آدم یولنی بولوب پاشانك دائره+سنه صوقیله+رق براز صكره جامه+شوی اغالغنه نائل اولور بر كون جامه+شوینده بر كهله ًكورمكله علت مذكوره+یه مبتلا اولانلرده كهله بولنمیه+جغندن درعقب ممنونا درسعادته عودت ایدوب كیفیتی عرض ایدر پاشای مشارالیه بنابرین دیار بكردن جلب و (مهرماه) سلطانه امر تزویج اجرا اولندقدنصكره صدارت دخی توجیه و مهر سلیمانی ید اقتدارینه تودیع قلنور. (بیت) اولیجق بر كشینك طالعی یار * كهله+سی داخی انك ایشه یارار پاشای مشار الیهك جامع و مدرسه كبی بعض اثار خیریه+سی واردر.