رستم — عجم قهرمانلرندن رستم داستاندر جمشید نسلندن سجستان پادشاهی (زال)ك اوغلی ایدی. میلادك درت عصر مقدمنده ایكنجی (كیكاوس) ویا (غوشتامس) نام فرس پادشاهنه بر چوق خدمتلرده بولندیغی و بر ارالق كندوسنی غربلرك اسارتندن و ممالكنی تورانیلرك ید تخریبندن قورتاردیغی حالده زردشت مذهبنی قبول ایتمدیكنه بناء نظر اقبالدن دوشدی و عدامی املیله كیكاوس اوغلی بهادر مشهور اسفندیاری اوزرینه تسلیط ایلدیسه ده ایكی كون ممتد اولان عجیب و غریب بر قتالدن صكره رستم اسفندیاره غالب كله+رك مومی الیهی هدف ناوك جانكاه ایتمكله كیكاوس ایولكه كملكك جزاسنی كوردی و رستم بر چوق زمان صكره قرنداشلرندن بری اولان (شقاد)ك حیله و خیانتی سببیله هندستان سفرنده تلف اولمغله نام قهرمانیسی قالدی. اشبو رستم حقنده روایت اولونان وقوعات حد اعتدالی متجاوز یعنی دائرۀ عقولدن خارج بر كیفیت اولدیغندن بوراده تفصیلی تجویز اولنه+مامشدر. فردوس طوسینك شهنامه+سی بونی پك كوزل تفصیل و توصیف ایدر.