لغات تاریخیه و جغرافیه

Lugat-ı Tarihiyye ve Coğrafiyye

ردوس

Rodos

ردوس — دولت علیه+نك بحر سفید جزایرندن بر مشهور اطه+سیدر آسیای صغرانك شمال شرقیسندن اون ایکی كیلومتری عرضنده بر بوغاز ایله تفریق اولنور وسعتی ١١٠٠ كیلومترو مربعنده+در وقتیله یوز بیك نفوسی جامع ایكن الیوم اوتوز بیك نفوسی حاویدر و كرسی ادارە+سی ردوس و باشلی مواقعی (قامیر. ژالیز. لند) شهرلریدر اراضیسی معمور هواسی لطیف كوزلی كثیر و عفیف اولوب انجق یازین صیجاق شدتله حكمنی اجرا ایدر و قیشی پك آز اولور كوزل اورمانلری و یوكسك طاغلری واردر. اشبو اطه عن اصل بر وولقاندن تشكل ایتمش ظن اولنیور. اکثریا اورالرده وقوعبولان حركت ارضدن جزیره+نك برچوق یرلری خراب اولمش و باخصوص (٥٣٧٢ خ) تاریخنده یعنی میلادك ایكیوز یكرمی ایكی سنه مقدمنده و میلادك ایكنجی و دردجی عصرلرنده یعنی (انطونین) و (قسطنطین) زمانلرنده(١٨٥٠ م و ١٢٦٧ ه) و (١٨٠١ م و ١٨٦٣ ه) تاریخلرنده شدید حركت ارضلر و قوعبولمشیدی. ردوس اسكی زماننده خیلی وقتلر بطاقلق و وخیم الهوا اولدیغی حالده برنجی دفعه (اوفیوزیا) مؤخراً (ماكاریا) و دها صكره یونانیلر طرفندن (رودون) تسمیه اولنمشیدی. نفس ردوس شهری اطه+نك شمال شرقی ساحلنده اولوب ٦٠٠٠ اسلام ٥٠٠٠ روم بیك یهودی اهالیسی واردر. ردوس بر وقت یونانستانه الحاق و (٧١ م) تاریخنده (سپازیه+ن)لر طرفندن ضبط اولنه+رق اطه+لر ایالتنه مقر اداره اتخاذ اولندی مؤخراً قدس شریف شوالیه+لری روم ایمپراطورلرندن آلوب مستقل اوله+رق توطن و ردوس شوالیه+لری نامنی اخذ ایلدیلر (١٤٨٩ م و ٨٨٤ ه) تاریخنده سلطان مهمد ثانی حضرتلری فتح و تسخیر املیله بعض تشبثات حربیه+ده بولندیسه ده موفق اوله+میوب (١٥٢٢ م و ٩٢٩ ه) تاریخنده سلطان سلیمان ثانی حضرتلری مشهور بر محاصره+دن صكره شوالیە+لری كاملاً طرد ایلدیكندن انلر دخی اولا (ویترب) و مؤخراً (شارلیكن) طرفندن ایدیلان مساعده اوزرینه مالطه جزیره+سنه كیدوب توطن ایلدیلر. ردوس هیكلی وقتیله عجایب سبعۀ عالمدن ایدی (شارس) كلمه+سنه مراجعت بیوریله.