لغات تاریخیه و جغرافیه

Lugat-ı Tarihiyye ve Coğrafiyye

رجب پاشا

Receb Paşa

رجب پاشا — بوسنه+لیدر. قپودان ایكن (١٦٢٥ م و ١٠٣٥ ه) تاریخنده یكرمی پاره چكدیری ایله قرە دكزده قزاقلرك اوچیوز اللی پاره شایقه+لرینی دوچار هزیمت و بو صورتله اعلای شان سطوتنشان دولت ایلدیسه ده مؤخراً وقوعه كلان سیئاتی خدمت مذكوره+سنی اونوتدیردی شویله كه صدراعظم اولمق هوسیله یكیچریلره (بغداد اردوسنك انهزامی قائممقام كورجی محمد و اردوده بولنان صدراعظم خسرو پاشالرك تكاسلندندر) یوللو بر طاقم یایغرە+لر ایدوب مشارالیهمادن هرایكیسنی دخی عزل و قتل و تعیین اولنان صدراعظم حافظ پاشایی كذلك یكیچریلری تحریكله اعدام ایتدیردكدن صكره (١٦٣١ م و ١٠٤١ ه) تاریخنده نائل صدارت اولدی و نصبندن برقاچ كون صكره مسند اقبالده تفرد داعیۀ حریصانه+سیله دفتردار افندی+یی و یكیچری اغاسیله ندمای شهریاریدن موسی چلبی+یی دخی اعدام ایتدیردی لكن آره+دن چوق كچمكسزین یعنی صدارتی اوچ آیی تجاوز ایتمكسزین كندوسیده اعدام اولنه+رق جسد پر حسدی دریایه القا و بالقلره غدا. ایدلدی.