لغات تاریخیه و جغرافیه

Lugat-ı Tarihiyye ve Coğrafiyye

رجال الغیب

Ricalü'l-gayb

رجال الغیب — محیی الدین العربی حضرتلری فتوحاتنده رجال لغیبی تعریف و هر صباح نمازینی مكۀ مكرمه+ده غوث الاعظم حضرتلرینه اقتدا و ادادن صكره مأمور اولدقلری محللره عزیمت و هركسه امداد و اعانت ایدرلر دیو توصیف بیورمش و حضرات مشارالیهم بر آیك هر كوننده بر بشقه سمتده بولندقلرینه استعانه ایدە+جك ذواتك قنغی سمتده اولدقلرینی بیلملری لازمه+دن ایدوكنه بناء ارباب تحقیق شو صورتده ..... بر دائره ترسیم و سمتلرینی تعیین ایتمشدر. استعانه ایدە+جك ذواتك مشار الیهمك بولوندقلری سمتی اوكرندكدنصكره انلری كندوسنه ارقه و حامی اتخاذ ایدوب یعنی ارقه+سنی اولطرفه چویروب (السلام علیكم یا ارواح المقدسة اعینونی بعونته وانظرونی بنظره یارقیاء یانقباء یابدلاء یااوتاد یاقطب یاغوث اعینونی بعونته وارحمونی برحمته و حصلوا مرامی و مقصودی وقوموا علی حاجتی بحرمة محمد صلی الله تعالی علیه وسلم) دعاسیله مرادینی جناب حقدن استرحام ایلمسی بعض كتب معتبرده بیان اولنمشدر. )بیت) دوشنبه كونی شنبه كتمه شرقه نه یكشنبه نه جمعه كونی غربه جهارشنبه سه شنبه كونی زنهار شماله كتمه ای یار وفادار جنوبه قیلمه پنجشنبه+ده نیت قیلوبدر بویله اهل دل وصیت