لغات تاریخیه و جغرافیه

Lugat-ı Tarihiyye ve Coğrafiyye

آتنه

Atina

آتنه — یونان دولتنك (پوتیا) سنجاغی داخلنده پای تختی اولان شهردر. بو شهر یكرمی بر طول شرقی ایله اوتوز یدی عرض شمالیده و ساحلدن سكز كیلو مترو كیروده واقع اولوب مقدما نفوسی سكسان بیك راده+سنده ایكن شمدی اسكله+سی حكمنده اولان (پیره) قصبه+سیله برابر اللی بیكدن زیاده دكلدر. اتنه جوارندن جریان ایدن (كفیسوس) یاخود (آریدان) و (ایلیسوس) نهرلری اورالرك باعث حیاتی اولدیغندن وقتیله بونلرك برینی آلهۀ یونانیه+دن (پا)نك چشمه+سی اعتقاد ایدرلر ایدی. (٤٠١٤ خ) تاریخنده یعنی میلادك بیك بشیوز سكسان یاخود بیك التی یوز قرق ایكی سنه مقدمنده مصردن (سقروپ) نامنده بر سركرده نك برچوق محاجرلرله یونانستان اراضیسنده اتنه جوارینه هجرت ایتدیكی و اتنه+نك اولدیغی محلده اون ایكی عدد كوچك شهرلر بنا ایلدیكی تواریخده مقید ایسه ده بو شهرلری برلشدیروب اصل اتنه شهرینی بنا ایدن ذات تاریخ مذكوردن ایكیوز التمش درت سنه صكره حكمدار اولان (تزه)در و اشبو تزه+نك زمان حكومتندن اون طقوزنجی عصر میلادی+یه. قدر اتنه+نك ادارە+سنجه وقوعیافته اولان انقلابات زیرده كوستریلمشدر. اتنه+نك انقلاباتی
میلاددن مقدم
تاریخ خلقت
حكمدار تزە+نك ابتدای تأسیسی
١٣١٦
٤٢٧٨
دائمی ارخونلرك ابتداسی
١٠٦٨
٤٥٢٦
اون سنه+لك ارخونلرك ابتداسی
٠٧٥٤
٤٨٤٠
متغلبین اداره+سی
٠٥٦١
٥٠٣٣
ماكیدونیالیلره انتقالی
٣٣٨
٥٢٥٦
رومالولره انتقالی
١٤٦
٥٤٤٨

تاریخ میلاد
تاریخ هجرت
دولت علیه+یه انتفالی
١٤٥٧
٠٨٦٢
ابتدای استقلالی
١٨٢٩
١٢٤٥