رباب — آلات قدیمۀ موسیقیه+دندر بو آلت ٤٢ بعضاً ٤٣ و بعضاً دخی ٤٦ چالغی تلی ایله قوریلور و تللری پرمق ایله چالینور. برنجی ایمپراطورلق زماننده و باخصوص اسكی مصرلیلر و یهودیلر نزدنده زیاده توجه و اعتبار قزانمش ایدی یونانیلرك اوچ كوشه+لی و درت تللی چالغیلری بو نوعدندر. رباب قرون وسطاده ساقسون شعراسنك و چالوب چاغرمق ایچون دور ابواب كبارایدن كیمسه+لرك ضربات دست طنین بخشالری التنده ایكلمكده ایدی. ایلك ربابلر غایت ساده اولوب اون اوچنجی عصره قدر یالكز اون یدی تلدن عبارت ایكن مؤخراً دها ایلرولدیله+رك بر طرز دلربایی+یه وضع ایدلمش و كیدرك نیم صدا چیقارر صورتده لری و قانونلر و سنطورلر و پیانولر ایجاد اولنمشدر. اسكی یونانیلرك كریشلی و روزكار ایله اهتزاز ایدر صورتده بر ربابلری اولدیغی مرویدر اشبو رباب تللرینك اهتزازی حكمت طبیعیه+ده صدا و سمعه متعلق تجارب عدیدە+یه باعث اولدی.