لغات تاریخیه و جغرافیه

Lugat-ı Tarihiyye ve Coğrafiyye

رامسس

Ramses

رامسس — فراعنۀ مصریه+دن برقاچ كیمسه+لردر. بونلرك برنجیسی اولان رامسس (٤٠٩٤ خ) تاربخنده یعنی میلادك بیك بشیوز سنه مقدمنده اون طقوزنجی سلالۀ فراعنه+یی تشكیل ایتدی و اللی طقوز سنه سلطنت سوروب بو مدتده حبشستان و اناطولی و روم ایلی و مغولستان طرفلرنده خیلی مظفریتلره نائل اولدی. سلالۀ مذكوره+دن اوله+رق (٤١٥٣ خ) سنه+سنده یعنی میلادك بیك درتیوز قرق بر سنه مقدمنده جلوس ایدن ایكنجی رامسس یاخود (سزوستریس) دخی آسیا و افریقایه سیاحتنده وقوعبولان احوال و كیفیت مظفریتنی طاشلر اوزرینه ترسیم ایتمشدركه بعضیلری الیوم مشهود عیون ارباب سیاحتدر و (پلسیوم) شهرندن (هلیوپول) شهرینه قدر بر دیوار چكدیروب ملكنی آسیای غربی اقوام وحشیه+سنك ایادیء تسلطندن قورتارمشدر. بو دیوارك انشاسنده كاملاً اسرا استخدام اولنمشیدی. سیزوستریسك زوجه+سنك نوبه+ده وادیء هاجر نام اراضینك مركزی اولان (ابسامبول) قصبه+سی جوارنده بنا ایتدیكی هیكل ایله (آنور) نام عبادتخانه+نك خرابه+سی الآن موجوددر. اوچنجی (رامسس) دخی (٤٢١١ خ) تاریخنده یعنی میلادك بیك اوچویور سكسان اوچ سنه مقدمنده جلوس ایله اون طقوزنجی سلالۀ فراعنه+نك صوك پارشاهی اولان (امنوف)ی دوچار انقراض ایدرك یكرمنجی سلاله+یی تشكیل ایلمشدر. بوكا سیزستریس دخی دیرلر