رامز پاشا — دولت علیه+ده قپودان دریا اولمش بر ذاتدر عن اصل قریم علما زاده+لرندن اولوب هنكام طفولیتنده درسعادتده تحصیل علومه متوعل و مدت یسیرە+ده تدریس روس همایوننه نائل اولارق خیلی زمان محكمه نیابتلرنده و مؤخراً اردوی همایون قاضیلكنده بولنمش و سلطان سلیم خان ثالث مسئله+سندن طولایی قواله+یه نفی اولندیسه ده علمدار مصطفی پاشا كتخداسی و مشار الیهک همپاسی اولان كوسه كتخدا یولده راست كاوب بونی مباشرك الندن تخلیص و مصطفی پاشا نزدینه ارسال ایلمش ایدی
مصطفی پاشا درسعادته كیروب بعدالوقوعات صدر اعظم اولدقده رامز افندی+یی بارتبۀ وزارت قپودان دریا تعیین ایتدیردی و (١٨٠٨ م و ١٢٢٣ ه) تاریخنده یكیچریلر باب عالی+یی باصوب ولی نعمتی مصطفی پاشایی احراق ایتدكلرنده رامز پاشانك دریای غیرتی جوشه كله+رك ترسانه+دن غلطه اوكنه چیقاردیغی بر قاچ سفینه ایله باب عالی+یی و شمدی باب فتوی اولان اغا قپوسنی طوپه طوتدی و متعاقباً روسجقده كوسه كتخدایه التجا و اورادن قریمه فرار ایلدی و برقاچ سنه صكره یعنی (١٨١١ م و ١٢٢٦ ه) تاریخنده عفوی ایچون صادر اولان فرمانه اعتماداً تعیین اولدیغنی اردوی همایونه كلور ایكن امر خفی موجبنجه پوصودن اعدام و مصطفی پاشانك یاننه اعزام ایدلدی.