آتریا — یونانستانده مقدما تشكیل اولنمش بر جمعیت ملیه و اخوه+در
بو جمعیت ابتدا معارفك ترقیسی ایچون باشلایوب خیلی مدت اوروپانك
تحسین و آفریننی و معاونت کلیۀ نقدیه+سنی قزاندیسه ده (١٧٩٨ م و ١٢١٣ ٥)
تاریخنده دولت علیه+یه كوجنمش اولان شاعر (ریعاس)ك تشویقیله بر
بشقه رنك آلدی یعنی ملتك محكومیتدن نجاتی اسبابنی تهیئه+یه مأمور بر
هیئت سیاسیۀ خفیه حالنه كیردی و اون التی سنه بو صورتله ایفای وظیفه
و تحصیل استعداد ایدوب مؤخراً بسارابیایه نقل و توسیع اولندی و یدی سنه
قدر اورادن دولت علیه علیهنه ایتدیكی نشریات و افسادات سایه+سنده ظهوره
كلان اختلال كرمی پیدا ایدرك ایش كركی كبی علولندكدن و تپه دلنلی علی
پاشا موسمسز اعدام اولندقدن صكره بتون بتون میدانه چیقوب خكمنی اجرایه
باشلادی عاقبت یونانستانك دولت علیه الندن چیقمسنه سبب اولدی.