راغوزه — اوستریا دولتی ادارە+سنده بر مستحكم شهردر اشبو شهر اون بیك نفوسی جامع اوله+رق وندیك دكزینك ساحل شرقیسی اوزرنده و زارانك جنوب شرقیسندن اوچیوز اللی كیلومترو مسافه+ده
بولنور ایكی لیمانی و استحكاماتی و پیاریستلره مخصوص بر مكتبی و معمولات متنوعه چیقارر كارخانه+لری واردر.
بوراسی التنجی و یدنجی عصرلرده (سالون) و (اپیدور) مهاجرلری طرفندن تأسیس و ایكنجی (بی) نام پاپا و صكره فرانسزلر طرفندن تحكیم اولندی و (١٦٦٧ م و ١٠٧٨ ه) تاریخنده وقوعبولان حركت ارضده منهدم اولدیغنه بناء پاپا و فرانسه و انكلتره قراللرینك اعانۀ نقدیه+لری سایه+سنده ینه مجدداً انشا ایدلدی راغوزه روم ایمپراطورلغنك انقراضندنبرو كسب استقلال و برچوق عصرلر زادكان و اشرافه منسوب بر اوفق جمهوریت تشكیل ایلدیكی حالده (١٨٠٦ م و ١٢٢١ ه) تاریخنده ناپولیون طرفندن ضبط اولندیسه ده روسیه+لیلر و قره طاغلیلر معرفتیله ینه قورتارلدی و درت سنه صكره (ایلیریا) ایالتنه الحاق اولندیغی حالده ١٨١٥ تاریخنده ویانه قونغرە+سی قطعیاً اوستریایه ویردی. راغوزه+ده اون درت بیك بشیوز نفوس تخمین اولنیور.