راغب پاشا — (قوجه راغب) دینمكله شهیر بر وزیر فضیلتسمیر اولوب دفتر خانۀ عامره كتبه+سندن شوقی افندی نامنده بر ذاتك مخدومی ایدی. بو ذات مكتوبیء صدارت عظما كتابتندن علی التدریج مسند ریاست كتابته چیقوب و مؤخراً رتبۀ وزارتله مصر والیلكنه كیدوب بش سنه اول حوالیده ایفای مأموریت ایتدی و اندن صكره (بیت )
كلال كلدی تصرفدن ام دنیایی * ییتر شو قاهرە+نك قهری عزم روم ایدلم
بیتنی انشاد و انفصال ایلدی و سلطان عثمان ثالث و سلطان مصطفی ثالث زمانلرنده التی بچق سنه صدارت ایدرك روسیه و نمچه مصالحه+لرنده مرخص و سلطان مصطفی حضرتلرینك دامادلغی شرفنه نائل اولدی. الیوم نزد ادباده مرغوب و نامنه منسوب بر دیوان بلاغتعنوانی ایله (سفینه) آدلو دیكر بر اثر نفیسی و تأسیسات خیریه+دن اوله+رق بر جامع شریف ایله بر كتبخانه+سی واردر. (١٧٦٢ م و ١١٧٦ ه) تاریخنده وفات ایلدی.