رابعۀ عدویه — بصره زاهده+لردندر.(٧٩٦ م و ١٨٠ ه) تاریخنده وفات ایلدی. مومی الیها كمالات انسانیه+جه اكثر رجالك مافوقنده بولنمق حسبیله (تاج ارجال) عنوان جلالت مألنه مظهر اولمش و مخدرات زمرهء نسوان حقلرنده ضرب مثل حكمنی آلمش ایدی زوجنك وفاتندن صكره كندوسنی تزوجه طالب اولان مشهور حسن بصری حضرتلرینی بعض اسئلۀ لدنیه ایرادیله امتحاندنصكره معرض امتناعده آتیه+یی نظم ایلمشدر.
راحتی یااخوتی فی خلوتی * وحبیبی دائما فی حضرتی
لم اجدلی عن هواه عوضا * وهواه فی البرایا محنتی
الی اخره
مجتهدیندن (سفیان ثوری) حضرتلری دخی او عصرده اولمق و رابعه+نك جلالت قدرینی معترف بولنمق حسبیله دائما مشارالیهایی زیارته كیدر و اندن حقایقه دائر اولان شبهاتنی حل ایدر ایدی بر كون امام مشارالیه رابعه+یه سنك حقیقت ایمانك و جناب حقجه اعتقادك نه مركزده+در) دیو صوردقده رابعه جوابنده (بن اللهه جهنم قورقوسی و جنت سوكیسی ایچون عبادت ایتم زیرا او حال ایرغادلق صفتیدر بلكه كندوسنه كمال عشق و محتمدن ناشی عبادت و ایفای لازمۀ عبودیت ایلرم) دیدی.
رابعۀ شامیه) و (رابعۀ قیسیه) دخی صالحات نسادندر.