اتابك — اون برنجی و اون ایكنجی عصرلرده عراق و ایرانده
صدر دولت مقامنده بولنان سركردكان اتراكك عنوانیدر. بو عنوان
مقدما تاتار اوبه باشیلرینه ویریلور ایدی. اتابك عنواننه نائل اولان
سركردكان و ولاتك بعضیسی استقلال اوزره حكومت سوردیسه ده هیج
بریسی سلطان عنواننه نائل اوله+مدی. درت سلاله+یه منحصر اولان
حكومات اتابكیه+نك برنجیسی (عمادالدین زنكی) معرفتیله تشكل ایدوب (١١٢٧ م و ٥٢١ ه) تاریخندن اعتباراً یوز طقوز سنه پایدار اولان موصل اتابكلری و ایكنجیسی (سنغر بن مودود) معرفتیله تشكل ایدوب (١١٤٧ م و ٥٤٢ ه) تاریخندن اعتباراً یوز قرق اوچ سنه پایدار اولان شیراز اتابكلری و اوچنجیسی (غلام شمس الدین) معرفتیله تشكل ایدوب (١١٦٠ م و ٥٥٥ ه) تاریخندن اعتباراً التمش یدی سنه دوام ایدن (ازر بایجان.
اتابكلری و دردنجیسی (١١٧٤ م و ٥٧٠ ه) تاریخندن اعتباراً (حرم آبادده) یوز قرق التی سنه حكومت سورن لرستان صغیر اتابكلریدر اتابك (بك بابا) دیمك