ذوالكفل علیه السلام — انبیاء بنی اسرائیلدن و (الیسع) علیه السلامك عم زاده+لرندندر بر روایتده ذكریا علیه السلام ایله ذوالكفل علیه السلام ایكیسی بر ذاتدر و دیكر روایته كوره ذوالكفل ایوب علیه السلامك اوغلی (بشر) حضرتلرینك لقبیدر ملك كنعانك ایمان ایتدیكی حالده جنته داخل اوله+جغنه كفیل اولدیغی یاخود ظلم بنی اسرائیلدن فرار و مشارالیهه التجا ایدن یوز قدر انبیاء كرامی محافظه و اعاشه ایتدیکی و یاخود الیسع طرفندن بعث و ارسال بیورلدیغی قومك دین حقی قبول ایده+جكلرینی تعهد بیوردیغی ایچون بو لقبله تلقیب اولنمشدر
بعض تواریخده مشار الیهك ملوك یهودیه+دن (یواش) زماننده بعث بیورلدیغی و اسمی (حزقیا) یاخود (حزقیل) ایدوكی و (٤٧٣٩ خ) تاریخنده یعنی میلادك سكز یوز اللی بش سنه مقدمنده رجمله شهید ایدلدیكی محرردر و توراتده قرق سكز بابی شامل تاریخی اولان (حزقیال) دخی بو ذات اولمق مأمولدر.
یعقوب علیه السلمك تیزە زاده+سنك دخی بو نامده بر پینمبر ذیشان اولدیغی و قبری كوفه ایله حله اره+سنده بولندیغی دخی روایات تاریخیه+دندر. شام شریفده صالحیه قریه+سنده واقع جبل اربعینده ذوالكفل علیه السلامك قبری اولمق اوزره مشهور بر زیارتكاه عالی واردر