لغات تاریخیه و جغرافیه

Lugat-ı Tarihiyye ve Coğrafiyye

ذوالفقار

Zülfikâr

ذوالفقار — حضرت (علی) رضی الله عنهك قلیجیدر. بو قلیج صنمپرستاندن (عاص بن منیه) نام عاصینك قلیجی ایكن بدر غزاسنده مرقومك قتلیله اغتنام اولنه+رق حضرت فخر كائنات طرفندن مشار الیه احسان بیورلمش و فقره+لرینك یعنی جوهرینك چوقلغی و مقبولیتی جهتیله ذوالفقار تسمیه اولنمشدر. ایكی چتال ایدی دییانلرك قولی طوغری دكلدر شوقدركه قلیج و دكنك كبی شیلرك کمال سرعتله تحریكی حالنده مبدأ حركتیله منتهاسنی كوز بر آن غیر منقسمده بشقه بشقه كورمیوب ایكی چتال كبی كوردیكندن ذوالفقار حقندە+كی شو روایت دخی مشار الیهك سیفی زیاده سریع قوللاندقلرندن كنایه اولمسی مأمولدر.