ذلفاء — عصر امویه ادیبه+لرندن حسن و آن و ظرافتده داستان جهان بر جاریه+دركه مدینۀ منورە+ده لمعه پاش صحیفۀ وجود اولمشدر حكایه اولندیغی اوزره مزبوره+یی ابتدا صاحب اولندن (سلیمان) بن عبد الملك الاموینك برادری (سعید بن عبدالملك) تام بر ملیون غروشه اشترا ایدوب مؤخراً سلیمان بن عبدالملكه خلافت توجه ایتدكده انك تحت تملكنه كچمشیدی انجق كندیسنك نظر محبتی اسكی صاحبی اوزرنده اولمغله دوائر ملوك بو نظرینه حائل اوله+مدی حتی سعید بن عبدالملك زیر حكمنده ایكن بركون سرای قپوسندن طیشاری اوغرایه+رق فصیح تعبیر ایله
عبادالله من لی بدواء مالایشتكی و علاج مالایسمی * طال الحجاب و ابطأ الجواب.
والقلب طائر والعقل عازب * والفس و الهة والفوأد مختلس و النوم محتبس.
رحمة الله علی قوم عاشواتجلدا و ماتواكمدا * ولوكان الی الصبر حیلة اوالی ترك الغرام سبیل لكان امراً جمیل
دیو صاحب اولی حقنده یانوب باقلدیغی كورلمشدر.
ذلفانك صكرە+لری دولت تزوجنه ایرن كیمسه+لردن بری مزبوره+یی هرنصلسه طلاق ثلثه ایله تطلیق ایدوب بعده فرط ندامة دوشمكله ثلاثه لفظنی مشئوم عد ایدرك فیمابعد بر شیء صایه+جق اولسه (واحد. اثنین. اربعه) دیوب ثلاثه+یی سویلمز اولمش و كندی ایتدیندن بحثله هیج بر كیمسه+نك دخی او لفظی آغزه آلماسنی شوقطعه+سیله تنبیه و توصیه ایلمشدر.
لابارك الله فی دارعددت بها* طلاق ذلفاء من دارومن بلد
فلایقولن ثلاثا قائل ابدا * انی وجدت ثلاثا انكدالعدد