ذراع — امتداد طولینك مساحه+سیچون ممالك شرقیه+ده استعمال اولنان مقیاس اصلی ذراع یعنی ارشون ایدی كه اورته بویلی بر آدمك
اورته پرمغی اوجندن اوموز باشنه قدر اولان اوزونلقدن عبارتدر بو ذراع یكرمی درده تقسیم اولنه+رق هر قسمنه پرمق و بر پرمق اون قسم ایدیله+رك بهر قسمنه خط و خطك اون قسمده برینه نقطه تسمیه ایدرلر و نصف ذراعه (قدم) و ایكی بچق ذراعه قولاج دیرلر.
چوقه+جی ارشوننك دخی یان یانه اوتوز ایكی پرمق و هر پرمق كذلك یان یانه التی عدد ارپه طولنده و هر ارپه+نك التی عدد استر قویروغی قیلی قالینلغنده اولمسی عرفدر. اوروپاده مستعمل اولان مترونك بو یقینلرده ذراع اعشاری نامیله ممالك دولت علیه+ده دخی استعمالنه قرار ویرلمشدر.