ذات الجنب حاده یاخود (صاتلیجان) — غشاء حاجز صدرك التهابنه اطلاق اولنور. بو مرض اكثریا صغوقدن تولد ایدر. و كنج آدملرده اختیارلردن زیاده اولور و چوق كره معری اوله+رق و بعضاً دخی علل سائرۀ حادە+نك اثنای سیرنده علت اصلیه ایله اختلاط ایدرك ظهوره كلور. علت مذكوره هرنه وجهله ظهور ایدرسه ایتسون دائما ممه+نك الت طرفنده ناكهانی بر وجع ناخس جنبی ایله بدأ ایلر و وجعدن اول مریضه بعضاً دترە+مك كلور و بعضاً دخی وجع جنبی بردن بره پیدا اولور و نفس طارلشور. اطبا علتی علامات مذكوره وسائره ایله تشخیص ایتدكدنصكره لزومی حالنده فصد اجرا و بوتاس و سركنجبین عنصلی علاجلر اعطا و انصبابك بولندیغی محسلی صبغ اییوت ایله دلك ایدرلر. ذات الجنیك مزمنی و علاجلری دخی بشقه+در.
ذات الرثه یعنی آق جكر التهابی دخی وجود قیزدقدنصكره درحال صغومسندن و ترلی ایكن صغوق صو ایچمكدن حاصل اولور و درجاتی اوچ دور اعتبار ایدیلور بونك علاجی دخی ذات الجنب علاجلرینه یقین ایسه ده درحال حكمایه مراجعت واجبه+دندر زیرا بو علت دورینی پك تیز اجرا ایدر یعنی آز وقنده یا مندفع اولور یاخود طوتدیغی آدمی چكر كوتورر.