لغات تاریخیه و جغرافیه

Lugat-ı Tarihiyye ve Coğrafiyye

دیئوژن

Diyojen

دیئوژن — حكمای یونانیه+دن و آنیتستن یاخود كلبیون طریق اولولرندندر (٥١٨١ خ) تاریخنده یعنی میلادك ٤١٣ ویا ٤١٤ مقدمنده سینوب+ده تولد و (٥٢٧٠ خ) تاریخنده طقسان یاشنده اولدیغی حالده یونانستانده كائن قورنت شهرنده وفات ایلدی مومی الیهك بتون ماملكی یاتمق ایچون بر فوچی كیمك ایچون بر عبا محافظۀ نفس ایچون بر عصادن عبارت ایدی مشهور اسكندر یونانی اثنای سیاحتنده بوكا كونشه قارشو بر محلده اوتوردیغی حالده تصادف ایدوب اسعاف مأمولی نیتیله باشی اوجنه کچه+رك نه استرسك دیو صوردقده (كولكه ایتمه بشقه احسان استمم) جوابنی ویرمش و اسكندر مومی الیهك شو طور لاابالیانه+سنه غبطه كنان (اكر بن اسكندر اولمیایدم دیئوژن اولوردم) دیه+رك صاوشمش كیتمشدر. دیئوژن سالك اولدیغی مذهب كلبی ایجابندن اولمق اوزره حجاب دنیلان شیئی ضعف قلب اثری عد ایدر و بناء علیه خلقك اك زیاده معایبدن صایدیغی افعالی بیمحابا اجرا ایلر ایدی مثلا صوقاق آرە+لرنده و سائر بو مثللو محلده یمك یمك منافیء دأب ادب كوریله كلدیكی حالده دیئوژن اچلغنی دفع ایلیه+جك قدر النه كچن مأكولاتی راست كلدیكی یرده اوطوروب یر ایدی بركون معتادی اوزره سوقاق اورته+سنده اوطورە+رق یمك یمكده ایكن كلوب کچن خلق اطرافنی احاطه ایله (كوپك كوپك) دیه كندوسنی تزییف و تحقیره باشلادقلرنده دیئوژن بر مدت سكوت ایتدكدنصكره (كوپك بن دكلم كوپك سزسكزكه یمك ییان بر آدمك اطرافنه طوپلاندیكز) دیمشدر. نامنه اولمق اوزره یونانستان قدیمك یوزی متجاوز بلاد معروفه+سنده اوزرلری التون یالدیزلی هیكللر ركز ایدلمشیدی. دیئوژن (ثروتك آفتنه حقارتله قانونك شدتنه مكانتله شهواته ایسه عقل و حكمتله قارشو طورملیدر. عظمای دهره عادتا آتش نظریله باقملیدر زیرا نه تقربه كلیر نه ده تباعده الویرر. دنیاده هركس اسارت ایچنده یشار. اسیرلر آمرلرینه و آمرلر شهوات نفسانیه+لرینه انقیاددن قورتیله+مزلر. كافۀ احوال عاداتدن عبارتدر. نعم و لذایذ ایچنده یشامقله مألوف اولانلر اوحالدن هیج بر وقت قورتیله+مزلر آنلری او حالدن قورتارمق بالغی صودن چیقارمقله برابردر) دیر ایدی.