دییان — اسکی یونانیلر اعتقادنجه صید و شكار و عصمت اله موهومنك و انك نامنه (اقس) شهرنده یاپیلان بر بیوك كلیسانك اسمیدر. بو كلیسایه (٣٩٨٤ خ) تاریخنده یعنی میلادك التی یوز اون سنه مقدمنده باشلانوب یوزیكرمی سنه+ده اكمال اولنمشدر. ابنیه+سنك طولی درت یوز سكسان بش و عرضی ایكی یوز یكرمی قدم اولوب دروننده التمش قدم ارتفاعنده یوزتدی مرمر دیرك وار ایدی و اورا سواحلنه دوشن سفاین خلقندن اله
کچنلری آلهمزه قرباندر دیه+رك طوتوب و حرمت و رعایتله بسلیوب یورطیلرده ذبح ایدرلر ایدی. كلیسای مذكوری (اروسترات) نام شخص ابقای نام ایچون (٥٢٣٨ خ) تاریخنده یعنی میلادك اوچیوز اللی التی سنه مقدمنده احراق ایلمش و مؤخراً تعمیر اولندیسه ده ینه خراب اولدیغندن (قسطنطین) زماننده طاشلری استانبوله كتورلمشدر. (افس) كلمه+سنه دخی نظر بیوریله . اشبو دییان خفیف و قیصه بر قفتان كینمش اولدیغی و النده بر اوق و ایاغنده طاصمه+لر ایله باغلی نعلین و یاننده بر دیشی كیك یاخود بر آو كوپكی بولندیغی و ارقه+سندن بر طاقم عصمتلی قیزلر یورییوب كتدیکی حالده تصویر اولنور ایدی. (عصمت الهی بویا)