لغات تاریخیه و جغرافیه

Lugat-ı Tarihiyye ve Coğrafiyye

دیه+من / دیه+منیا

دیه+من یاخود (دیه+منیا) — نام دیكر تاسمانیا. اوقیانوسده بر جسیم اطه اولوب آوسترالیا یاخود فلمنك جدیدك جنوبنده+دركه (باس) كورفزیله تفریق اولنور طولاً ٢٨٠ و عرضاً ٢٤٠ كیلومترو مساحۀ مسطحه+یی و تقریباً سكسان بیك آوروپالی نفوسی جامعدر یرلی اهالیسنك برنجی قسمی كرۀ ارضده بولنان مخلوقاتك اك احمقلرندن معدود اولوب جنسلری كتدكجه كاملاً زوال بولمقده+در. (١٨٠٤ م و ١٢١٩ ه) تاریخندن برو انكلیز مجرملری اشبو اطه+یه كوندریلور. بوراسنی (١٦٤٢ م و ١٠٥٢ ه) تاریخنده فلمنكلی (تاسمان ژانس هابل) كشف ایدرك اولوقت )باتاویا) حكمداری بولنان (انت وان دیه من) نامنه اولمق اوزره (وان دیه من) ارضی تسمیه ایلمشیدی. (قوق) اشبو اطه+نك ساحل جنوبیسنی زیارت و ١٧٨٤ ده جراح (باس) نام ذات اسمی ایله تسمیه ایلمش اولدیغی بر بوغازی كشف ایدرك دیه+من ارضی بر اطه اولدیغنی تحقیق ایلدی. (١٨٠٤ م و ١٢١٩ ه) تاریخندنبرو انكلیزلر اوراده توطن ایدوب (هوبارتاون) و (ژورژستاون) شهرلرینی تأسیس ایتدیلر. (دیه من بوغازی) / ژاپونبا دكزنده واقع (اكسیمو) و (تانغاسیما) و (ژاقونوسیما) اطه+لری بیننده بولنور عرضی ٣١