دیوقلتین یاخود (دیوقلسین) — روما ایمپراطورلرندندر مقری (ازمید) شهری ایدی. مومی الیه برچوق رؤسا و پرنسلر ایله بالاتحاد ممالكندن تعرضات اجنبیه و اختلالات داخلیه+یی دفع و ازاله ایلدیسه ده قوجه روما حكومتنی بو اتحاد سببیله اساسندن اویناتدی یعنی یالكز ممالك شرقیه كندو (دیوقلتین) ادارە+سنده قالوب بلغارستان (غالر) ایتالیا و اطه+لر و آفریقادە+كی ممالك (ماقسملین) و اسپانیا و غول یعنی فرانسه و بریتانیا (قونستانس) نام پرنسلرك ایادیء مقاسمه+سنه دوشدی و اك صكره دخی نه افكار و مطالعه+یه مبنی ایسه استعفا ایدرك مملكتی اولان
دالماچیایه صاوشدی. مدت سلطنقی اثناده حسابسز نفوس تلف ایدوب حتی مصر و اسكندریه+ده اجرا ایتدیكی قتل عمومی+یی اونوتمامق ایچون بورالر اهالیسی الیوم مستعمل اولان (قبط) تاریخنی وضع و احداث ایلمشلردر .