لغات تاریخیه و جغرافیه

Lugat-ı Tarihiyye ve Coğrafiyye

دیموستن

دیموستن — یونان خطیبلرینك پرنسی نامیله مشهوردر (٣٨٥) تاریخ میلاد مقدمنده (آتنه)ده طوغوب (ایزه) و (افلاطون)ك درسلرنده بولنمش و فصاحت و بلاغتی سایه+سنده جزئی بر زمان ایچنده مناصب عالی+یه نائل اولمشیدی. یونانستانك اسارتنی ذهننده قوران (فلیب) نام ما كیدونیا قرالی علیهنه مالك اولدیغی قوۀ ناطقه+یی صرف و استعمال ایله بر اتفاق تشكیل ایدوب (٥٢٥٦ خ) تاریخنده یعنی میلادك اوچیوز اوتوزسكز سنه مقدمنده قرال مومی الیه قارشو بالذات محاربه ایلدیسه ده شجاعنی فصاحتی رادە+سنه چیقه+مدیغندن مظفریت فلیب طرفنده قالدی. و كندوسی فلیبك وفاتنه دكین وطنندن دور اولوب نهایت اسكندر زماننده حریتنه نائل اوله+بیلدی لكن قوجه غیور تك طورمیوب بر قاج سنه مرورنده اسكندره رفع لوای عصیان ایدن (هاربالوس)ك افساداتنه قاپلدیغیچون نفی اولنوب قرالك وفاتی عقیبنده تكرار كتورلدی بو كره دخی ماكیدونیا والیسی بولنان (انتی پاطر)ه قارشو اعلان حرب ایتدیروب بونده ده اتنه+لیلر مغلوب اولدیغندن بیوك جزا كوره+جكنی اكلایوب (نبتون) معبدینه التجا ایلدیسه ده التجا كاهنی محاصره ایدن عسكرلرك یدلرینه دوشه+جكنی حس ایتمسی اوزرینه (٥٢٧٢ خ) تاریخنده یعنی میلادك اوچیوزیكرمی ایكی سنه مقدمنده كندو كندوسنی تلف ایتدی دیموستن التمش بر نطق و التمش بش مقدمات و مدت نفینده آتینه اهالیسنه التی عدد تحریرات یازمشدر.